في اشياء صغيرة بتفرق . .
في أشياء صغيرة بتفرق
أوقات الواحد بيكون
مخنوق و مش عارف يحكي
من برا متماسك و صلب
ومن جوا قاعد عم يبكي !
كلو بيسأله : كيفك؟ حالك ؟
بيجاوب: تمام , منيح
واحد فيهم بسأل : مالك؟
بالله تحكي الصحيح !
فجأة هيك ! وبلا ما يدقق !
فجأة هيك ! وبلا ما يدقق !
#في_اشياء_صغيرة_بتفرق
بتيجي تشارك ناسك فرحة
و بتستنى الكل يشارك
بيجي اللي توقعت غيابه
وبيغيب اللي أولى يبارك
موقف ببني , وموقف بحرق
#في_اشياء_صغيرة_بتفرق
بتستنى وقفة قريب
جمبك وانت بلحظة ديقك
بتلاقي الواقف قريب
والبركدلك هو غريبك
عذر بعذر بتسند و تخلِق
بس #في_اشياء_صغيرة_بتفرق
بتفكر قديش الناس
صاروا بعاد و ما بتلاقوا
كل واحد همه باهالراس
و ورا حاجتهم بس بنساقوا
وبوسط وجعك والديق
بيرنلك شي صديق
والشمس الغربت بترجع تشرق
#في_اشياء_صغيرة_بتفرق
في ناس بتعمل الصغير
وبتضل تكتبلك ديون
وناس بتعملك الكبير
وبتحط جوا العيون
بين الي اعطاك العيون
وبين الحط عليك العيون
بين المش رح تفرق عنده
وبين الإنت كل شي عنده
بين البحياتك بيحقق
وبين الحلمه فيك بيحقق
#في_اشياء_صغيرة_بتفرق
ناس بتحكي كتير عن حبك
ووقت الجد الحب طحنوه :3
وناس بتحكي بكونها جمبك
الفعل بيحكي الما قالوه
ناس قدامك بتدعيلك
ومن وراك بتدعي عليك
وناس بتزرع , وبتجنيــلك
واللي بإيديها بإيديك !
هالناس من الله بتسترزق
#في_اشياء_صغيرة_بتفرق
في ناس لو بتشوفك تدمع
عالمهم بغرق بدموعك
وناس لو قدامهم تفقع
بينفخوا عالهادي بعيونك
بركي الدمعة تروح و تريّح
ناس بتِقْلَق , ناس بتِقْلِق
#في_اشياء_صغيرة_بتفرق
#في_اشياء_صغيرة_بتفرق
هي اشياء صغيرة فعلا
كلمة بوقتها
تونّس فيك
نظرة شفتها
بتواسيك
ناس بيبقوا
متصلين
موقف ببقى
معاك سنين
طبطبة حلوة
وسندة ظهر
تهدّي الجرح
وتطفي القهر
ما بتعرف تعطيها اسم
ما بتعرف تكفيها بشكرا
هي اشياء صغيرة , فعلا
بس هي #اشياء_صغيرة_بتفرق
ليست هناك تعليقات:
إرسال تعليق